Monday, November 28

Whattey!



'Tu kab marr rahi hai?'
'Ye bhi mazakh hai?'
'Nai nai, ye toh bada serious hai... Teri factory mein ab khoon hi nahi banta?'
'Chahte kya ho tum?'
'Poochna chahta hoon. Tere is ghar mein security alarm toh nahi hai?'
'Kyon? kya karne wale ho?'
'Pooch raha hoon. Prague wala alarm toh bada tez tha. Ek second mein lightein bhi on ho gayin charon taraf. Scene hi badal gaya sara. Aisi bhi security hoti hai pata hi nahi tha. Hi-tech tha bada... Tujhe bahar nahi aana tha Heer. Ab na, mujhe tere paas aana padega.'
'... Jordan... Mat karo ye... Main bardasht nahi kar paaungi'
'Ye main kar raha hoon? Tune kaha meri shakal nahi dekhni. Main aaya tere aage? Do saal mein call ki tujhe? Maine toh yahan tak koshish ki sochun bhi na tere baare mein. Par kya hua? Ye tu hai. Mere saamne khadi hai. Teri samajh mein nahi aayi Heer? Ye kuch aur hai. Jo tujhe aur mujhe saath la raha hai. Reh nahi na paaye hum alag. Nahi reh paaye. Main aaj itni badi hasti hoon Heer. Star hoon main! Itne saare paise hai mere paas. Famous hoon. Par andar, pata hai sirf jalan hai mere andar, bechaini hai. Main sirf tere saath hi set hoon yaar. itti si baat hai. Aur tu bhi. Mere saath nahi hoti toh koi jaanleva bimari ho jaati hai tujhe. Khoon-shoon ban-na band ho jata hai tere andar.'
'Main marr rahi hoon Jordan. Shayad kuch mahine, ya ek saal. Uske baad... main marr jaaungi.'
'Aur jo na marri toh? Tujhe kuch bhi na hua toh? Toh tu meri ho jaayegi?'
'...Jordan... Mujhe hug kar sakte ho?'



5 Obiter Dicta (Comment here):

- Sugar Cube - said...

:))

Cяystal said...

Mai dungi tujhe hug soniye :*
And,I love this flick. Period.

Me said...

Pehle kaha pickcharr mat dekho.. fir uske dialogue chaap diye..

good!

Rià said...

Lol on the comment above!! I love the dialogues of this movie.

Richa said...

@ Sugar cube :)

@ crystal, *rib squishing hug* :D

@ Me, saaarie! couldn't help, second dekhi pikchar aur chipka diya mera favorite scene! *sharminda*

@ Riya, :)

Related Posts Plugin for WordPress, Blogger...